الرئيسية
يرسم لنا ملا عبود الكرخي بكلماته لوحة سيريالية رائع بقصيدة جمع فيها المستحيلات
مستحيلات ملا عبود الكرخي
يصير اتزوج انا ببنيه ..... يصير بالجنه الي حوريه
يصير تصعد للسمه ابسلم درج ... يصير من مصلوب تطلبلك فرج
يصير اموات احتيوه من مكبره ... يصير نمله وتدفع الملويه
يصير ابو الجنيب مايمشي صفح ... يصير مايبقى النجم لو صار الصبح (حيوان الجمبري )
يصير فار وكط الفوا للصلح ... يصير عشره جلاب والواويه (الواوي : الثعلب )
يصير شايب منحني ويرجع ولد ... يصير بالمرمر يدكون وتد
يصير شفت الواحد الفرد الصمد ... يصير بطنج يجتمع والحيه (بطنج : نبات عشبي بري ذو رائحة عطرية يستعمل كدواء وكذلك كمنكهات في الاكلات الشعبية وهناك قول بأن الافعى تكره رائحته)
يصيركوهيني يسمي ابنه علي ... يصير بالبدوان اسم مرزه قلي
يصير بعرور انزرع يطلع غنم ... يصيرواحد خالي من هم والم (بعرور : فضلات الغنم )
يصير ممكن رجل من موت انهزم ... يصير زارت كربلا يهوديه
يصير بالمنخل تسد عين الشمس ... يصير لحم الكلب طاهر مو نكس (منخل : غربال)
يصير عالم من غبي ياخذ درس ... يصير تعرف داخل الركيه
يصير بالكطنه يذبحون البعير ... يصير هالجاموس اله جناح ويطير
يصير تكدر تربط البكه بحبل ... يصير توضع جبل بقوطيه (بكة :بقة او ناموسة , قوطية : علبة القصدير )
يصير انا اكدر اطارد عالصراط ... يصير ستره وبنطلون ابلا خياط
يصير اعلم من اديسون اصلبي ... يصير ماركوني الايطالي غبي
يصير اعمى و ملص اخذ بالطاولي ... يصير تجرش شلب امريكيه (طاولي :لعبة الطاولة , شلب : رز لم يقشر بعد )
يصير امي ويفتهم شعر القريض ... يصير بالدنيه سمعت ديج ويبيض
يصير اتعلم انا بشعري مدح ... يصير ان اترك مرائي من القدح
يصير موطني استملك دار ... يصير خالص عربي ويملك العار
يصير فختي وزاغ يفترس النسور ... يصير انا بالآخره ألمس الحور
يصير ترجع للعرب اسبانيه ... يصير تشرب مي حلو بحبانية
يصير انا اقبل بقسمه فلسطين ... يصير احب مله الصهوينيه
يصير ممكن غاندي ان يستذل ... يصير مااشتم الكذاب النذل
يصير اقره واكتب ابلا منظره ... يصير فحمه تفوقها للجوهره
يصير ما يرقى العلم بالقاهرة ... يصيركرخي يبدل الجنسيه
يصير انا يمكن واطلع نايب ... يصير ما يطلع العندة حبايب
يصير خيط الكطن اقوى من الوتر ... يصير ما اعشق انا الحريه
يصير عين بمجلس الاعيان اصير ... يصير هذا مو محال وياوزير
يصير اديب بهالزمن مو منسي ... يصير خضعوا للعدو الكرخيه
يصير شعر المتنبي ينشطب ... يصير ماندحر الصهيونيه
يصير بالجنه الي شاهق قصر ... يصير بجهنم انا ماانحشر
يصير بالمعدان اسم عيشة وعمر ... يصير من لندن تجي مجارية (المعدان : فئة من العراقيين يقومون بتربية الجاموس يقال انها استقدمت من الهند ابان الحكم العباسي لرعاية الجاموس الذي استقدم معهم وهم يعتنقون المذهب الشيعي , مجارية : قافلة الجمال التي كانت تأتي بالبضائع )
مستحيلات ملا عبود الكرخي
يصير اتزوج انا ببنيه ..... يصير بالجنه الي حوريه
يصير تصعد للسمه ابسلم درج ... يصير من مصلوب تطلبلك فرج
يصير اموات احتيوه من مكبره ... يصير نمله وتدفع الملويه
يصير ابو الجنيب مايمشي صفح ... يصير مايبقى النجم لو صار الصبح (حيوان الجمبري )
يصير فار وكط الفوا للصلح ... يصير عشره جلاب والواويه (الواوي : الثعلب )
يصير شايب منحني ويرجع ولد ... يصير بالمرمر يدكون وتد
يصير شفت الواحد الفرد الصمد ... يصير بطنج يجتمع والحيه (بطنج : نبات عشبي بري ذو رائحة عطرية يستعمل كدواء وكذلك كمنكهات في الاكلات الشعبية وهناك قول بأن الافعى تكره رائحته)
يصيركوهيني يسمي ابنه علي ... يصير بالبدوان اسم مرزه قلي
يصير بعرور انزرع يطلع غنم ... يصيرواحد خالي من هم والم (بعرور : فضلات الغنم )
يصير ممكن رجل من موت انهزم ... يصير زارت كربلا يهوديه
يصير بالمنخل تسد عين الشمس ... يصير لحم الكلب طاهر مو نكس (منخل : غربال)
يصير عالم من غبي ياخذ درس ... يصير تعرف داخل الركيه
يصير بالكطنه يذبحون البعير ... يصير هالجاموس اله جناح ويطير
يصير تكدر تربط البكه بحبل ... يصير توضع جبل بقوطيه (بكة :بقة او ناموسة , قوطية : علبة القصدير )
يصير انا اكدر اطارد عالصراط ... يصير ستره وبنطلون ابلا خياط
يصير اعلم من اديسون اصلبي ... يصير ماركوني الايطالي غبي
يصير اعمى و ملص اخذ بالطاولي ... يصير تجرش شلب امريكيه (طاولي :لعبة الطاولة , شلب : رز لم يقشر بعد )
يصير امي ويفتهم شعر القريض ... يصير بالدنيه سمعت ديج ويبيض
يصير اتعلم انا بشعري مدح ... يصير ان اترك مرائي من القدح
يصير موطني استملك دار ... يصير خالص عربي ويملك العار
يصير فختي وزاغ يفترس النسور ... يصير انا بالآخره ألمس الحور
يصير ترجع للعرب اسبانيه ... يصير تشرب مي حلو بحبانية
يصير انا اقبل بقسمه فلسطين ... يصير احب مله الصهوينيه
يصير ممكن غاندي ان يستذل ... يصير مااشتم الكذاب النذل
يصير اقره واكتب ابلا منظره ... يصير فحمه تفوقها للجوهره
يصير ما يرقى العلم بالقاهرة ... يصيركرخي يبدل الجنسيه
يصير انا يمكن واطلع نايب ... يصير ما يطلع العندة حبايب
يصير خيط الكطن اقوى من الوتر ... يصير ما اعشق انا الحريه
يصير عين بمجلس الاعيان اصير ... يصير هذا مو محال وياوزير
يصير اديب بهالزمن مو منسي ... يصير خضعوا للعدو الكرخيه
يصير شعر المتنبي ينشطب ... يصير ماندحر الصهيونيه
يصير بالجنه الي شاهق قصر ... يصير بجهنم انا ماانحشر
يصير بالمعدان اسم عيشة وعمر ... يصير من لندن تجي مجارية (المعدان : فئة من العراقيين يقومون بتربية الجاموس يقال انها استقدمت من الهند ابان الحكم العباسي لرعاية الجاموس الذي استقدم معهم وهم يعتنقون المذهب الشيعي , مجارية : قافلة الجمال التي كانت تأتي بالبضائع )
